Ndryshe nga herët e tjera, deputetët e Parlamentit shqiptar janë mbledhur të mërkurë, për një seancë maratonë që do të zgjasë dy ditë. Në të do të diskutohet buxheti i shtetit. Në seancë, natyrisht ka qenë edhe kryeministri Edi Rama, që jo vetëm do prezantojë buxhetin, por këto dy ditë do të përballet dhe me pyetjet e opozitës. Ndaj dhe si për të qenë i kthjellët, sa është ulur në vendin e tij në Kuvend, e ka nisur me një kafe.
