Ilir Meta është pyetur sot gjatë konferencës për media nëse do e shkarkojë Vangjel Tavon nga funksionet e tij në strukturat e Partisë së Lirisë. Nuk dha një përgjigje konkrete, por nuk e kurseu ironinë me prefektin e Vlorës.
“E përqafoj mikun tim Tavo. Ka bërë zgjedhjen e tij. Po të më kishte pyetur nuk do ja kisha rekomanduar, do i thoja më mirë prefekt në Tiranë, por ai nuk më pyeti. Për çështje statutore dhe organizimi kemi zotin Rexhep Ballmi. Tavo është prefekt i zotit Rama, unë i uroj suksese në këtë detyrë. Pa ma kërkuar ai unë e bëra ministër, Rama e vlerësoi më shumë e bëri prefekt”, deklaroi me ironi Ilir Meta.
Pas humbjes së zgjedhjeve në Gjirokastër në vitin 2021 teksa kandidoi me LSI-në, Vangjel Tavo bëri sërish kapërcim duke u hedhur në radhët e PS-së. Kryeministri Edi Rama e emëroi si prefekt të qarkut Vlorë një muaj më parë, lëvizje kjo që lidhet me shumë me situatën e krijuar në Himarë. ©Argjiroja.net
