Ish-banori i edicionit të nëntë të “Big Brother Albania”, Damiano Agalliu, ka ndarë me ndjekësit e tij një lajm të bukur nga jeta personale. Ai dhe partnerja e tij janë në pritje të fëmijës së dytë, duke zgjeruar kështu familjen e tyre.
Përmes një seti fotografik familjar të publikuar në Instagram, Damiano ka zbuluar se shumë shpejt do të bëhet sërish baba. Në imazhet e ndara në rrjetet sociale, ai shfaqet pranë partneres së tij në një moment të ëmbël, ndërsa në supe mban djalin e tyre të parë.
Përveç lajmit të shtatzënisë, ish-banori i “Big Brother” ka treguar edhe gjininë e bebit. Çifti është në pritje të një vajze, lajm që ai e ka shoqëruar me mbishkrimin: “Detyra e vëllait të madh po vjen… është vajzë”.
Postimi është pritur me shumë urime dhe komente pozitive nga ndjekësit, të cilët kanë ndarë gëzimin me familjen e tij në këtë moment të veçantë.
Damiano Agalliu u bë i njohur për publikun shqiptar gjatë pjesëmarrjes në “Big Brother Albania 9”, ndërsa tani duket se po jeton një nga periudhat më të bukura të jetës së tij, duke u përgatitur për të përjetuar sërish emocionet e prindërimit.
