Deputeti socialist, Anastas Angjeli është infektuar nga koronavirusi. Angjeli është vetëkarantinuar, ndërsa mësohet se ka simpatoma të lehta virusi. Ai ka rezultuar pozitiv pas testimit që ka bërë ditën e sotme. Angjeli ka qenë deputet i qarkut Gjirokastër në legjislaturën 2013-2017. Ministria e Shëndetësisë raportoi sot shifra rekord me të infektuar ditorë. Në 24 orët e fundit, në vendin tonë u konfirmuan 319 raste të reja me COVID-19 dhe tre viktima. Situata vijon të përkeqësohet, ndërsa qeveria ka njoftuar se nga dita e hënë nis zbatimi i masave të para kufizuese, duke mbyllur universitetet dhe konvitet, ndërsa po shqyrtohet mbyllja pjesërisht e lokaleve dhe restoranteve në zonën e ish-bllokut, në Tiranë.
