Sot drejtoresha e Autoritetit të Rrugëve, Vasilika Vjerro ka lajmëruar dhënien e dorëheqjes nga detyra të cilën e morri dy javë më parë, pas dhënies po të dorëheqjes nga paraardhësja e saj, Sonila Qato.
Të dyja dorëheqjet duket se kanë lidhje me skandalin e tenderit të rrugës Kardhiq-Delvinë. Por kush do të jetë drejtori i ri i ARRSH-së? Emri më i lakuar së fundit është Admir Abrija.
Kujtojmë që ai është një nga njerëzit e afërt të kryebashkiakut Erion Veliaj. Ndërrimi i pushteteve në vitin 2013 e gjen Admir Abrinë, Drejtor të Kufirit në Gjirokastër. Socialistët më pas e katapultuan menjëherë në Dogana, si vartës të Elisa Spiropalit.
Me emërimin e ri si zëvendësdrejtor i Përgjithshëm i Doganave, Abrija pati nën varësi sektorin e Antikorrupsionit dhe Hetimin. Sidoqoftë për emërimin e tij në krye të Autoritetit Rrugor Shqiptar ende nuk ka asgjë zyrtare.
©argjiroja.net
