Deputetja Ina Zhupa njofton se ish-kongresmeni i SHBA me origjinë arbëreshe, Joseph DioGuardi, i ka dërguar një letër falenderimi për betejën që ajo po bën për Parkun e Butrintit. Deputetja e PD thotë se DioGuardi ka shprehur angazhimin e tij për të ardhur në Shqipëri.
“Ish kongresmeni me origjinë arberëshe është gjithmonë zë i parë kur flitet për interesat kombëtare të shqiptarëve. Kongresmeni DioGuardi ishte njeriu i parë që ktheu vëmendjen e gjithë Komitetit të Marrëdhënieve me Jashtë të Shteteve të Bashkuara të Amerikës mbi Kosovën dhe gjendjen në të cilën ishte vendi.
Është kënaqësi të njoftoj që kongresmeni ka shprehur angazhimin e tij për të ardhur në Shqipëri dhe do të jetë prezent në krahun tim, në krahun e Butrintit, në krahun e shqiptarëve, në krahun e kushtetutës në seancën publike që do zhvillohet në Gjykatën Kushtetuese”, shkruan Zhupa.
Deputetja demokrate ndan dhe letrën që ish-kongresmeni i SHBA i ka shkruar. Joseph DioGuardi e konsideron si të paligjshme marrjen e Butrintit nga Fondacioni Shqiptaro-Amerikan për Zhvillim [AADF].
“Kam investuar shumë nga koha ime për t’u shpjeguar administratës amerikane në Uashington, si dhe miqve të mi në Kongresin e SHBA, veprimet politikisht manipuluese dhe të paligjshme të ndërmarra nga AADF në lidhje me Butrintin.
Siç mund ta dini, unë u kam shkruar disa anëtarëve të Kongresit të SHBA, duke përfshirë Kryetarin e Komisionit të Senatit për Marrëdhëniet me Jashtë Robert Menendez, dhe administratores së USAID-it, Samantha Poëer, si dhe organeve të UNESCO-s në Paris”, thuhet ndër të tjera në letrën e DioGuardit.
