Pas ngjarjeve të mbrëmshme në stadiumin e Palermos, autoritetet italiane ka nisur me ndalimin e tifozëve që hodhën flakadanët në fushë apo bënë akte dhune. “DIGOS” polica e specializuar në Itali për ngjarjet e dhunshme, ka identifikuar përmes kamerave të sigurisë të gjithë personat e dhunshëm që ndezën dhe hodhën fishekzjarrë në stadium.
Mediat vendase raportojnë se janë identifikuar 77 tifozë si të përfshirë në akte të dhunshme, ndërsa një prej tyre është arrestuar menjëherë pas ndeshjes. Ndaj këtyre personave do të ketë ndjekje penale.
Incidentet e mbrëmshme pritet t’i shkaktojnë një gjobë prej 100 mijë eurosh FSHF-së, por edhe penalizim për të luajtur pa tifozë ndeshjen e ardhshme përballë Maqedonisë.
