Java e 31-të në Kategorinë Superiore do të nisë të premten, me derbin e kryeqytetit mes Tiranës e Partizanit. Bardheblutë kërkojnë një fitore që do të vlente sa një sezon i tërë, për shumë arsye, por Partizani niset favorit, pasi është dukshëm superior në çdo drejtim këtë sezon.
Vllaznia do të marrë 3 pikë të lehta kundër Korabit të shtunën, por sytë do të jenë në Kukës, sepse kryesuesit presin Laçin dhe është një ndeshje mjaft e ndërlikuar. Laçi ka krijuar shpesh problem për verilindorët dhe kërkon pikë mbijetese, ndaj sfida do të ndiqet me interes shumë të madh nga thuajse gjithë Superiorja.
Pas triumfit në Laç, Skënderbeu do të zbresë në Gjirokastër, ndërsa të dielën në Durrës luhet një finale mbijetese, mes Teutës e Flamurtarit.
