Mes lotëve dhe dhimbjes, i është dhënë sot lamtumira e fundit kantautorit të njohur Françesk Radi, i cili ndërroi jetë dje në Qëndrën Spitalore “Nënë Tereza’’.
Françesk Radi u nda nga jeta në moshën 67- vjeçare si pasojë e gjendjes së rënduar shëndetësore pak javë më përpara ku pësoi dhe hemorragji cerebrale.
Kolegë, miq, të afërm dhe shumë qytetarë të tjerë i bënë homazhet e fundit në hollin e Radio Televizionit Shqiptar duke nderuar kujtimin e tij dhe në shenjë mirënjohje për atë që ai la pas.
