Ministria e Shëndetësisë në njoftimin e sotëm bëri me dije se është rritur përsëri numri i të infektuarve. Janë shënuar 23 raste të tjera brenda 24 orëve.
Në deklaratën e saj Ministria njoftoi se ndodhen në terapinë intensive 4 prej tyre dhe gjithsej janë të shtruar në spitalin Infektiv 72 persona.
Ndërkohë Ministrisë së Shëndetësisë ka njoftuar se 17 persona janë shëruar ndërkohë që duhet të qëndrojnë ende të vetëkarantinuar edhe për 14 ditë të tjera.
“Ju informojmë se në spitalin Infektiv ndodhen aktualisht 72 pacientë të shtruar, 4 prej tyre janë në terapi intensive (3 pacientë janë të intubuar në gjenje të rëndë). Ndërsa pjesa tjetër e të shtruarve në pavion janë në gjendje të stabilizuar deri në këto momente.
Lajmi i mirë është se 17 qytetarë deri në këto momente janë shëruar (të shtruar dhe të vetëizoluar) pas dy testeve të kryera. Por ata duhet të qëndrojnë në vetëkarantinim për 14 ditë.”- njoftoi Ministria e Shëndetësisë.
