Presidenti çek Milos Zeman u ka thënë qytetarëve që të shijojnë bukurinë e vendit të tyre këtë verë, pasi udhëtimi në vendet e tjera do të ndalohet për një vit si rezultat i pandemisë së Covid-19.
Zeman tha në një intervistë në radio të dielën se kufizimet aktuale të kufijve duhet të zgjasin një vit “në mënyrë që mos vijë një valë e re infeksioni nga udhëtimet në vendet ku epidemia nuk ka mbaruar ende”.
Në mes të marsit, Republika Çeke vendosi një ndalim të hyrjes dhe të largimit të vendit për të frenuar përhapjen e koronës së re të virusit. Ata që udhëtojnë për në punë, drejtuesit e kamionëve dhe njerëzit që kanë arsye të rëndësishme për të shkuar në një vend tjetër, siç është trajtimi mjekësor, janë të përjashtuar nga ndalimi i largimit nga vendi.
Agjensitë e udhëtimit dhe kompanitë e tjera të udhëtimit kanë kërkuar më parë që të paktën të lejohen të udhëtojnë për në Sllovaki dhe Kroaci, të cilat janë destinacione të njohura turistike midis çekëve dhe ku rastet e infeksioneve janë të rralla, raporton dpa.
Ndërkohë jo më pak dhe Shqipëria, një ndër destinacionet e preferuarve të çekëve, të cilët madje konsiderohen si ndër të parët shtetas nga Europa që zbuluan bukuritë shqiptare, sidomos të veriut, që pas ’90-ës kur nisi hapja me botën.
Së fundi madje, mes disa bashkive në Shqipëri, si Korça e Tepelena, është nënshkruar një marrëveshje me autoritetet çeke për një mikëpritje të organizuar të turistëve çekë për një periudhë disavjeçare.
