Mimoza Paja, 58-vjeçarja që mbeti e vrarë dje gabimisht në atentatin në lokalin në rrugën “Josif Shkëmbi” në Don Bosko jetonte në kushte shumë të vështira ekonomike.
Një fqinje e viktimës tha për mediat se 58-vjeçarja ishte shumë e varfër, bënte disa punë për të paguar qiranë, duke mbledhur edhe kanaçe.
Paja ishte nënë e katër fëmijëve, 3 vajzave dhe një djali ndërkohë që burri i kishte vdekur para disa viteve.
“Ka qenë shumë fukareshe, e vuajtur shumë, i ka vdekur edhe burri. Punonte me turne, mblidhte kanaçe për të larë qiranë. Ka qenë e sëmurë, nëpër spitale.
Jetonte me qira, ka tre vajza dhe 1 djalë. Atë natë kishte mbesën me vete, që e kishte rritur vetë”, tregoi fqinja.
