Bledi Çuçi, drejtuesi politik i PS ne Gjirokaster dhe i treti ne listen e kandidateve ka bere nje reagim pas zyrtarizimit te listes per zgjedhjet e 25 prillit. “Shqiptarët i kanë sytë nga ne dhe kërkojnë më shumë sepse nga kundërshtarët tanë nuk presin më asgjë”, shkruan Çuçi nder te tjera.
Deklarata e plote
Suksese skuadrës fantastike të Partisë Socialiste në zgjedhjet e 25 prillit. Ne do të dalim faqebardhë nga kjo fushatë sepse kemi kandidatët më të mirë në Gjirokastër dhe në mbarë vendin. Jam plot shpresë dhe besim se bashkë do të shkruajmë një histori suksesi në këto zgjedhje, jo thjesht për mandatin e tretë qeverisës si qëllim në vetvete, por duke bashkuar mendjet dhe zemrat e të gjithëve, ne do të ndalim kthimin prapa të Shqipërisë. Partia Socialiste do të jetë zgjedhja e parë e shqiptarëve. Rindërtimin dhe rimbëkëmbjen ekonomike pas pandemisë kurrsesi s’mund ta bëjnë ata që ambicjen e kanë sa një filxhan. Punët që kemi nisur askush veç nesh s’mund t’i çojë përpara. Nder dhe përgjegjesi shumë e madhe për mua që do të vazhdoj të shërbej sërish në qarkun Gjirokastër bashkë me Mirelën, Laertin, Artemisën, Kostën dhe Kjarën. Sfida jonë më e madhe është të jemi në lartësinë e nevojave të qytetarëve dhe të përmirësojmë qeverisjen në çdo nivel. Shqiptarët i kanë sytë nga ne dhe kërkojnë më shumë sepse nga kundërshtarët tanë nuk presin më asgjë. Shqipëria e ardhmja jonë! S’ka kohë për pushim
