Kandidatët e PS-së ndezin zjarrin në Përmet, një ditë para se vijë Monika Kryemadhi (VIDEO)

Kandidatët për deputetë të PS-së në qarkun Gjirokastër, Bledi Çuçi, Mirela Kumbaro e Kjara Adhami kanë marrë pjesë në ndezjen e zjarrit në qendër të qytetit, një rrit pagan që bëhet mbrëmjen e datës 13 mars përpara Ditës së Verës.

“E ndezëm zjarrin në Përmet 😃 Riti pagan për Ditën e Verës që simbolizon lënien pas të dimrit dhe të së keqes, për të pritur ripërtëritjen e natyrës, ardhjen e pranverës dhe zgjatjen e ditës. Përmeti sot është një destinacion i pashmangshëm turistik në jug të vendit falë investimeve që ne kemi bërë, promovimit dhe vizionit të qartë që kemi për zhvillimin e këtij qyteti. Vite më parë e gjetëm Përmetin si mos më keq, sot është një qytet i transformuar dhe me perspektivën e duhur për të jetuar dhe investuar. Do të marrim një mandat të tretë më 25 prill për të vijuar me investimet dhe punët që kemi nisur”, shkruan Çuçi në Facebook.

Ndërkohë për Ditën e Verës në Përmet pritet të jetë edhe Monika Kryemadhi, e cila do të prezantojë kandidatin e LSI-së për deputet, Elton Ismaili.