Adriana Kalaja do të garojë më 1 mars në primaret e PD-së. Në një lidhje me emisionin “Të Paekspozuarit” Kalaja përmendi kontributet që ka dhënë për PD-në dhe në shërbim të publikut dhe kërkoi votën e anëtarëve të PD-së që që të jetë deputete në Kuvendin e ardhshëm.
“Partia do edhe moshën time, edhe të Myslim Murrizit. Unë doja të tregoja që vallen e Berishës e kërceva edhe unë dhe më shijoi shumë.
Siç kam ndjekur çdo takim të doktorit nga gati 9 shtator 2021 nga Tropoja në Sarandë e kam bërë me dëshirën më të madhe sepse besoja në të drejtën e Berishës. Edhe kur u shpall non grata kam bërë një video dhe një deklaratë kundër mafiozes Juri Kim. Ashti siç besova te Berisha, besova edhe te PD.
Përvec kontributit tim si aktiviste me “Aleancën për Teatrin”. Nëse unë nesër do të jem në Kuvendin e Shqipërisë nuk do të jem deputete vetëm për të ngritur dorën, por kam bagazh që do ta kem në shërbim të publikut dhe një zë i fortë në shërbim të publikut. Nëse e bëj sot jashtë, imagjino brenda Kuvendit. Mbas 44 protestash ne bëmë atë presionin tonë që Veliaj është në burg.
Erion Veliaj edhe nga burgu më ka përmendur më ka bërë bashkë me Ols Dadon, se ka frikë nga opozita që bëj. E meritoj një vend në Kuvend, për gjithë atë luftë që më është bërë, përndjekje. Këto më bëjnë krenare dhe një arsye më shumë që t’i kërkoj çdo demokrati më 1 mars votën e tyre, po ajo Adriana Kalaja që kam qenë në këto vite”, tha ajo.
