Një i ri nga Durrësi ka rënë në pranga të policisë së Tepelenës mbrëmjen e djeshme pasi kërkohej për veprën penale të prodhimit dhe shitjes së lëndëve narkotike.
Policia thotë se në bazë të informacioneve të marra, nga shëbimet e Komisariatit të Policisë Tepelenë, më datë 08.11.2019, ora 23.00, u bë kapja e shtetasit në kërkim Ali Ramadan Poposhi, i datelindjes 14.07.1990, banues në Durrës. Të njëjtat burime bëjnë me dije se ndalimi I 29 vjecarit Poposhi u bë pasi Prokuroria e Rrethitn Gjyqësor Fier, me shkresën. nr.4307, dt.02.05.2019, ka dërguar Urdherin e dt. 02.05.2019 për ekzekutimin e vendimit penal me nr. 634, dt. 29.04.2019, të Gjykatës së Rrethit Fier, e cila ka caktuar masë sigurie “Arrest me burg” për veprën penale “Prodhim e shitje të narkotikëve”, parashikuar nga neni 283 të Kodit Penal. U kryen veprimet si dhe njoftimi i Drejtorisë Vendore të Policisë Durrës për marrjen e tij.
