Gjatë një kontrolli të territorit, Guardia di Finanza dhe Njësia e Policisë Ekonomike dhe Financiare të Pordenones në Itali ndaloi dhe kontrolloi një makinë të drejtuar nga një shqiptar. Brenda saj gjeti 10 gramë kokαinë, të ndarë në 7 doza, të fshehura në vezët surprizë të çokollatave. Vezët ishin futur në një nga hapësirë nga del ajri i kondicionerit të makinës.
Jo vetëm kaq. Në makinë u gjetën edhe mbi 2000 euro në kartëmonedha të prerjeve të vogla. Këto shtuan dyshimet se mund të bëhej fjalë për një shpërndarës droge ndaj u vendos të kryhej edhe kontrolli i shtëpisë ku jetonte shqiptari në Treviso.
Aty erdhi edhe një “zbulim” akoma më interesant. Karabinierët, të ndihmuar edhe nga një njësi me qen zbuluan 19 850 euro, të mbështjella me katër pelena, të hedhura së bashku me ato të përdorurat nga mbesa e tij, në koshin e banjës.
Policia tha se sekuestroi drogën dhe paratë ndërsa shqiptari i cili gjithashtu nuk kishte leje të rregullt qëndrimi në Itali është denoncuar në Prokurorinë Publike Pordenone për hyrje dhe qëndrim të paligjshëm brenda territorit të shtetit dhe tregti të paligjshme të drogës.
