Të premten dhe të shtunën do të zhvillohet java e gjashtë e kampionatit të Kategorisë së Parë, me të gjitha ndeshjet të programuara në orën 14:00.
Kjo javë nis menjëherë me dy duele të forta. Laçi pret në shtëpi Apoloninë, me synimin për t’u rikthyer te fitorja pas disfatës ndaj Skënderbeut, ndërsa në Pogradec do të luhet sfida Pogradeci – AF Luftëtari.
Katër ndeshjet e tjera janë programuar ditën e shtunë. Kryesuesit e kampionatit, Skënderbeu, do të përballen në shtëpi me Kukësin. Iliria luan ndaj Besës së Kavajës, Burreli përballet me Korabin, ndërsa Lushnja pret në “Roza Haxhiu” skuadrën e Kastriotit.
Java 6
Laçi – Apolonia | 03.10.2025 – 14:00
Pogradeci – AF Luftëtari | 03.10.2025 – 14:00
Iliria – Besa | 04.10.2025 – 14:00
Skënderbeu – Kukësi | 04.10.2025 – 14:00
Burreli – Korabi | 04.10.2025 – 14:00
Lushnja – Kastrioti | 04.10.2025 – 14:00
© BalkanWeb
