Këshilli i Qarkut Gjirokastër ka prokuruar një fond për rikonstruksionin e ish konviktit të shkollës artistike (kati i parë) dhe përshtatja e për Qendër e Zhvillimit të Fëmijëve. Fondi limit ishte rreth 59 milionë lekë të vjetra pa TVSH. Pas konkurrimit kompania fituese është shpallur operatori “OE Nika” sh.p.k. me vlerë të përgjithshme rreth 44 milionë lekë të vjetra me TVSH. Punimet parashikohet të përfundojnë brenda 13 javësh nga lidhja e kontratës.
Veç këtij tenderi, Këshilli i Qarkut Gjirokastër ka prokuruar edhe një fond tjetër me vlerë rreth 9.3 milionë lekë të vjetra me TVSH për botimin e albumit fotografik “Gjirokastra – Qytet i Gurtë”. Këtë album do ta realizojë kompania “Plejad” sh.p.k.
Ndërkohë ky institucion njofton edhe për nxjerrjen në ankand të automjetit “Mercedes Benz” me vlerë fillestare 179.200 lekë.
