Këshillimi Kombëtar është një nismë e qeverisë për të dëgjuar mendimin e qytetarëve, e cila do të zhvillohet përmes një pyetësori, ku një ndër to është dhe legalizimi i kanabisit mjekësor.
MCN Tv ka pyetur disa banorë të Lazaratit, fshatit që për vite me radhë ishte shndërruar në kryeqytet të kultivimit të kanabisit në Europë. Ata nuk hezitojnë ta shprehin dyshimin se pas legalizimit do të përfitojnë disa pak kompani, por jo më ata.
E nëse do të vendoset që kanabisi të legalizohet, lazaratasit kërkojnë amnisti për familjarët e tyre të dënuar nga gjykatat për kultivim dhe trafik droge.
E pranojnë se janë pro legalizimit, por dyshojnë se përfitimi për ta nuk do të jetë si më parë kur kishin monopolin e asaj veprimtarie kriminale.
Nga ana tjetër banorët tregojnë edhe rrënimin ekonomik të fshatit, largimin e te rinjve dhe mungesën e ujit të pijshëm. Ndiqni rrëfimet e tyre në videon më posht. /argjiroja.net
