Kemi dëgjuar shpesh që brokoli dhe hudhra janë dy nga produktet më të mira dhe të shëndetshme që ne mund të konsumojmë kohë pas kohe. Por ka lajme edhe më të mira sesa kaq.
Brokoli dhe hudhra mund të luftojnë kancerin. Studiuesit nga Universiteti i Kopenhagen kanë zbuluar se seleniumi, një përbërës i gjendur tek brokoli dhe hudhrat ul shpejtësinë e zhvillimit të sëmundjeve të ndryshme kancerogjene, si tek femrat, po ashtu edhe tek meshkujt.
Grupi i kërkuesve të këtij studimi është duke shpresuar që këto gjetje të mund të ndihmojnë në përmirësimin e trajtimeve për kancerin në një periudhë afatgjatë.
Ky studim është publikuar në Journal Biological Chemistry. Sistemi imunitar është i predispozuar të largojë nga trupi gjëra që nuk i përkasin atij.
Ky proces ndodh edhe me qelizat kancerogjene, edhe pse disa prej tyre kanë aftësinë të bllokojnë sistemin imunitar që të mos i identifikojë këto qeliza, duke u përhapur dhe zhvilluar në këtë mënyrë gjithmonë e më shumë.
