Arkimed Lushaj, i njohur ndryshe si Stresi, nuk po kalon një moment të mirë në jetën e tij. Fillimisht ai u arratis nga Shqipëria, pasi u shpall në kërkim për nxitje të dhunës gjatë protestave të opozitës. Më pas, idhulli i tij Sali Berisha u shpall non grata nga SHBA.
Tani së fundmi, ai kë bërë të ditur se është ndarë edhe nga e fejuara, me të cilin kishte planifikuar të martohej këtë verë në ishullin e njohur grek Santorini.
“Po jua shpjegoj njëherë e mirë të gjithëve që me zor e prisni këtë lajm! Vajzë më të mirë dhe familje më të mirë se e saj sot e 1000 vjet nuk gjej më, por jeta kështu është nuk mbaron këtu, vazhdon kështu që boll me këto pyetje. Nuk jemi më bashkë”, iu përgjigj Stresi ndjekësve të tij, të cilët e pyetën se si është Kejsi, tashmë ish-e fejuara e tij.
