Kjo është Doruntina Miroci, vajza shqiptare e cila ishte pjesë e forcave policore austriake që luftuan mbrëmjen e djeshme kundër terroristëve të ISIS. Këtë e ka bërë të ditur Ambasadori i Kosovës në Gjermani, Beqë Cufaj i cili ka zbuluar se mbesa e tij është njëra nga policet që mbrëmë luftoi kundër sulmeve të tmershme terroriste.
“Krenar me mbesën time Doruntina Miroci, e cila ka luftuar përkrah policisë austriake kundër sulmeve të tmerrshme terroriste në Vienë. Bashkë mund të qëndrojmë të fortë”, ka shkruar ai në Twitter. Sulmi terrorist ndodhi një natë më parë, në orën 20:00, me orën lokale në Vjenë. Të paktën pesë persona kanë vdekur dhe 17 të tjerë janë plagosur, mes tyre dhe një efektiv policie.
Sulmuesi kryesor është ekzekutuar nga policia vendase, ndërkohë që vijojnë kërkimet, pasi dyshohet se pas tij fshihet një grup terroristësh.
