Kultivimi i kanabisit në Shqipëri nuk ndalet. Përveç sipërfaqeve të tëra malore në zona të thella që janë shfrytëzuar vitet e fundit, kultivuesit dhe trafikantët kanë gjetur shtigje të reja për të kamufluar sa më mirë këtë aktivitet kriminal. Është fjala për serat ku rëndomë kultivohen domatet, specat apo kultura të tjera.
Burime ekskluzive të Lapsi.al mësojnë se policia ka nisur kontrollet në çdo qark të vendit. Serat e fermerëve po kontrollohen imtësisht për të zbuluar nëse ka apo jo brenda tyre kultivim të kanabisit.
Operacioni i gjerë policor është në kuadër të masave për parandalimin e kultivimit të kanabisit.
