Kryeministri i Kosoves, Ramush Haradinaj ka vendosur të dhurojë 500 mijë euro fonde për qeverinë shqiptare për përballimin e pasojave të renda që shkaktoi tërmeti 6.4 ballë që tronditi vendin.
Pas mbledhjes së jashtëzakonshme të Qeverisë së Kosovës, kryeministri në detyrë, Ramush Haradinaj deklaroi se Shqipërisë do ti jepet një ndihmë prej 500 mijë eurosh për dëmet e shkaktuara nga tërmeti.
Nga ana tjetër, në kujtim të 14 viktimave, kabineti qeveritar ’Haradinaj’ do të mbajë 1 minutë heshtje për të ndjerët.
’’ Nuk ka dëme materiale dhe viktima në Kosovë. Ndërsa në Shqipëri janë shfaqur dëme të mëdha dhe viktima. Kemi bërë përgatitjen e duhur. Ushtria është stërvitur për të përballuar këtë situatë. Kemi kontaktuar dhe firma privatë për të dhënë pajisje të rënda për heqejn e gërmadhave për Shqipërinë. Kosova duhet të jetë e përgatitur për rrethana të tilla, jemi të përgatitur për një tërmet të një shkallë më të lartë. Kemi një përgatitje më të mirë operative’’, deklaron kryeministri i Kosovës Haradinaj.
