Italia është tronditur nga një tjetër krim i rëndë në familje, teksa raportohet se, një 44-vjeçar ka vrarë nusen dhe dhëndrin e tij.
Ngjarja ka ndodhur në Sant’Antimo, në provincën e Napolit, ku dy kunetër u qëlluan dhe u vranë nga vjehrri i tyre.
Trupat e 29-vjeçarit Luigi Cammisa dhe ai i 24-vjeçares Maria Brigida Pesacane u gjetën midis Piazza Sant’Antonio dhe Via Caruso, i pari në rrugë, i dyti në një apartament, raportojnë mediat italiane.
Në lidhje me këtë krim është vetëdorëzuar në polici 44-vjeçari, Raffaele Caiazzo, ndërsa pas hetimeve të para dyshohet se shkak për këtë është bërë një lidhje e mundshme dashurie mes dy viktimave.
