Kris arma në Vlorë, të shtëna drejt një karburanti

Të shtëna me armë zjarri janë dëgjuar këtë pasdite në Vlorë. Sipas informacioneve paraprake, mësohet se është qëlluar drejt një karburanti. Burime për mediat bëjnë me dije se nga ngjarja nuk ka të lënduar ndërsa dyshohet se autor është Xh.S. Raportohet se ky i fundit është shoqëruar në komisariat nga blutë e qytetit. Motivet e ngjarjes mbeten të paqarta ndërsa ende nuk ka një njoftim zyrtar nga policia. Krismat e armës në qytetin bregdetar kanë përhapur panik tek qytetarët.