Kryebashkiaku i Finiqit i është ankuar ambasadorit gjerman për fshirjen e gjuhës greke nga tabelat rrugore.
Ditën e sotme, kryebashkiaku i Finiqit, Kristaq Kiço, ka përfituar nga vizita e ambasadorit gjerman. Ky i fundit, ishte gjendur aty për të prezantuar projektin e GIZ për menaxhimin e mbetjeve.
Qeveria gjermane ka dhuruar për bashkinë e Finiqit, 100 kontejnerë dhe një automjet teknologjik për mbledhjen dhe përpunimin e mbetjeve. Me këtë rast, Kiço, i ka hapur atij edhe temën e fshirjes së emërtimeve greke në tabelat rrugore nga Qafa e Muzinës në Krane.
Ambasadori i ka shprehur keqardhjen Kiços, dhe i ka kërkuar që të bashkëpunojë me komunitetet për të krijuar besim. Në mënyrë që situata të tilla të pakëndshme të mos krijohen në të ardhmen.
