Bashkia e Kuçovës ka nderuar me titullin “Qytetar Nderi, pas vdekjes”, ish-kryeministrin e qeverisë së Pajtimit Kombëtar dhe ish deputetin e kësaj bashkie Bashkim Fino.
Kinemaja e qytetit të Kuçovës është mbushur përplot me miq, ish kolege dhe dashamirës të ish kryeministrit Bashkim Fino, ku për tre mandate ai përfaqësoi qytetin e naftetarëve.
Propozimit të kryetarit të Bashkisë Kuçovë, në këtë aktivitet të pranishëm, përveç qytetarëve të Kuçovës të pranishëm ishin dhe kolegë të ish deputetit Fino si Bledi Çuçi, Arta Dade, Namik Dokle dhe Arben Malaj. Vlerësimin në emër të familjes së tij e tërhoqi vajza, Megi Fino.
Në fjalën e tij përpara të pranishmëve, Bledi Çuçi tha se Fino ishte një politikan race, një figurë universale me një aftësi të veçantë që në të njëjtën kohë ishte edhe politikan edhe shumë besnikë i njerëzve që i donte e gjërave që i besonte. Përpara se të bëhej kryeministër, Bashkim Fino mbante detyrën e kryetarit të Bashkisë Gjirokastër.
