Në vijim të turit, “Bashkëqeverisja me njerëzit”, deputetja e zgjedhur e Partisë Socialiste në qarkun e Gjirokastrës Mirela Kumbaro është ndalur në Përmet për një bashkëbisedim me banorët e këtij qyteti.
Deputetja Kumbaro u tha përmetarëve se “ Votën nuk e kemi marrë si eufori, nuk e kemi marrë si një fitore të lehtë, e kemi marrë si një detyrë dhe shtesë përgjegjësie të jashtëzakonshme. Ne e morëm votën tuaj, sepse premtuam se do të bëjmë shtet dhe do të qeverisim për të gjithë shqiptarët”.
Ndërsa banorët ngritën disa shqetësimet e tyre ku vendin kryesor e zinin problematikat e punësimit, shërbimi në spital si dhe investimet në bujqësi, të domosdoshme sipas tyre për zhvillimin jo vetëm të fshatit, por të gjithë zonës.
Qytetari 1: Problem më i madh në qytetin e Përmetit është punësimi. Ta shikojmë çështjen drejt e në sy. Administrata e qytetit nuk zgjidh dot problemin e punësimit, ndaj duhet menduar për këtë
Qytetari 2. Duam që të mos mbyllet spitali, por të na vijë një mjek kardiolog dhe aparati i ekos së zemrës.
Qytetari 3. Duhet bërë investim në ujitjen e gjithë luginës së Përmetit, në mënyrë që të mbahet fshati, të mbahet dhe qyteti.
