Ambientet ku ofrohen shërbimet konsullore në ambasadën shqiptare në Athinë janë rikonstruktuar totalisht. Ministrja e Kulturës dhe deputetja e Gjirokastrës, Mirela Kumbaro, teksa shpërndan videon që tregon transformimin e këtyre zyrave shkruan:
“Pas shërbimit konsullor online apo heqjes e rezervës për vulën apostile me Greqinë, kjo është një tjetër punë e lavdërueshme e Ministrisë së Jashtme. Emigrantët shqiptarë që jetojnë në Greqi do të kenë këtej e tutje kushte më dinjitoze në selinë tonë diplomatike. Transformimi i këtyre ambienteve është një lajm i mirë për të gjithë bashkombasit tanë përtej kufirit, pa kontributin e të cilëve ndër vite, Shqipëria do ta kishte shumë më të vështirë tranzicionin”
