Ministrja e Mjedisit dhe Turizmit , Mirela Kumbaro në një intervistë një emisionin “Kjo Javë” me gazetaren Nisida Tufa, foli për turizmit, sfidat si edhe projektet që synojnë të tërheqin sa më shumë të huaj në vendin tonë.
Fillimisht e ndalur te Gjirokastra, Kumbaro tha se pavarësisht vështirësive, si pasojë e pandemisë, tërmetit dhe tani krizës për shkak të luftës në Ukrainë, numri i turistëve ka qenë i lartë.
Pjesë nga intervista:
Si është Gjirokastra në raport me turistët?
Kumbaro: Është e vështirë, nëse do kemi parasysh që kemi kaluar tërmetin, pandeminë dhe jemi në një krizë të tretë. Jo vetëm për Gjirokastrën por për të gjithë Shqipërinë do të kemi një minus të turistëve që vinin nga Ukraina, apo Rusia. Por kemi edhe flukse të reja. Për Gjirokastrën periudha e pandemisë krijoji një tjetër sinergji. Interesante është se qarku i Gjirokastrës të mban të paktën dy javë pa u bërë i mërzitshëm. Besoj do te kemi diku tek 6 mln turistë për vitin 2022.”, tha ministrja.
Gjatë intervistës me gazetaren Nisida Tufa ministrja u shpreh se turistët preferojnë përgjithësisht destinacionet kulturore.
“Kemi ardhur në 6 muaj dhe po të shikojmë Gjirokastra çdo fundjavë nuk gjen vende. Korça po ashtu është me fundjava të furnizuar me treg turistik. Kemi një treg të ri që është Holanda,. Ka një interes të madh edhe nga tregu holandez. Jemi duke bërë një tjetër punë me TV francez për promovimin e turizmit. Ne na duhet turizmi elitar që qëndron më shumë ditë dhe kjo kërkon më shumë investim dhe për këtë po punojmë”, u shpreh Kumbaro.
Lidhur me turizmin patriotik, ministrja Kumbaro tha se preferon ta quajë turizmi brenda rajonit dhe se shkon përtej Kosovës.
“Unë dua të theksoj që gjithë vjeshtës dhe dimrit, hotelet në Golem , Durrës , Kavajë vazhdojnë të jenë të frekuentuar nga turistë që vijnë prej Kosovë. Porta e bregdetit tonë është porta e bregdetit të tyre, turizmi që vjen prej Kosovë besoj se do të duhet ta orientojmë dhe në zona më të thella”, tha ajo, duke shtuar: “Jam besimplotë se do t’i kapim shifrat e larta të turistëve. Theksoj se për këtë do të duhet të punojmë. Ne duhet të parandalojmë abuzimin me çmimet. Ne kemi grupet e monitorimit dhe do të jemi në shërbim të atyre që do të shkojnë me pushime. Tashmë jemi njohur me planin e pastrimit kombëtar dhe kjo do të përforcohet në sezonin e plazhit nga Velipoja deri në Sarandë dhe sidomos në katër bashki. Do të kemi plazhe në Kavajë, Durrës, Himarë dhe Sarandë shumë më të pastra se vitin e kaluar. Do të kërkoja bashkëpunim jo vetëm me bashkitë, por edhe me publikun edhe me median.
