Ministrja e Turizmit dhe Mjedisit, Mirela Kumbaro, ka treguar përgjatë një takimi me Belinda Ballukun e Taulant Ballën mbi rolin e infrastrukturës në turizëm, se impakti i rrugës Kardhiq-Delvinë ishte shumë i madh. Ajo solli si shembull bizneset e reja përgjatë kësaj rruge, si dhe flukset e shtuara të udhëtarëve për arsye të mirëfillta turistike sipas saj.
“Ne e pamë çfarë ndodhi vitin e kaluar me hapjen e rrugës Kardhiq-Delvinë. Me hapjen e asaj rruge u shumëfishuan flukset e lëvizjeve për arsye të mirëfillta turistike. U krijua një destinacion i ri falë infrastrukturës. Po flas për zonën e Kardhiqit. Ishte komplet fshat që jetonte për veten e vet. Ndërkohë sot kanë filluar të hapin bujtina dhe pika shitje përgjatë rrugës. Me rrugët po krijohen oferta të reja turistike. Se si mund të shiteshin rroba banje në Kardhiq këtë nuk e imagjinonim dot. Sot kjo po ndodh”, tha Kumbaro. ©Argjiroja.net
View this post on Instagram
