Personi që po shikoni në foto është Gjele Biba, 75 vjeçe, banore në fshatin Ungrej, Lezhë. 75-vjeçarja humbi jetën një ditë më parë pasi u rrëzuua në Kishën e Laçit.
Sipas hetimeve të para, rezulton se e moshuara, rreth të 70-tave, është rrezuar te shkallët pas kishës, që të çojnë te shpella e Shën Vlashit.
Ajo ka pësuar dëmtime të rënda dhe është transportuar për në spitalin e Traumës në kryeqytet, por rrugës ka humbur jetën.
E moshuara kishte shkuar në kishë ditën e djeshme, që shënon dhe nisjen e pelegrinazhit të 13 të Martave.
Kisha e Laçit, e njohur ndryshe dhe si Kisha e Shna Ndout, prej vitesh njihet si një vend i shenjtë, ku mijëra besimtarë nga e gjithë Shqipëria e vizitojnë kryesisht gjatë 13 të martave që cilësohen të shenjta.
