Mbrëmë simpatizantët e Partisë Demokratike në Gjirokastër kanë patur radhën për të hyrë në çadrën e protestës që qëndron përballë Kryeministrisë prej 10 ditësh.
Grupi i demokratëve shoqërohej nga kreu i PD-së në Gjirokastër, Roland Bejko dhe ish-kryetari i Komunës Lazarat, Dasho Aliko.
Për këtë të fundit ka pasur shumë raportime ironike në media, duke u nisur nga fakti se Aliko ka qenë për vite me radhë drejtuesi i një komune që mori emër për shkak të kultivimit të kanabisit, ndërkohë që sot proteston kundër kanabisit në çadrën e PD-së.
Simpatizantët nga Gjirokastra janë përshëndetur dhe nga kreu i opozitës Lulzim Basha, si dhe bënë foto me të./ArgjiroLajm.net
