Pamundësia për të gjetur një sulmues cilësor në tregun e lojtarëve brenda vendit, i detyron shumë klube të Superiores, që të bashkëpunojnë me menaxherë të ndryshëm jashtë vendit, kryesisht për të mbushur boshllëqet në sulm. Por, edhe pse me CV të pasur dhe kërkesa për rroga të majme, shpesh herë këta lojtarë të ndryshëm dështojnë në Kategorinë Superiore, ndërsa klubet duhet të gjejnë një akord për tu dëmtuar sa më pak financiarisht që të prishin kontratën me ta.
Dhe kur është mbyllur faza e parë e Kategorisë Superiore, sulmuesi janë më të dështuarit në klubet e tyre, që paguajnë çdo muaj në total 45 mijë euro për të pasur ata që kanë prodhuar vetëm gjashtë gola.
1
I ardhur nga Çekia, Martin Nespor pritej të zinte vendin e Hamdi Salihit në sulmin e Skënderbeut, por një gjë e tillë nuk ndodhi. 27-vjeçari vuajti edhe nga disa dëmtime, ndërsa trajneri Daja u bazua te lojtarët e tjerë për sulmin, ndërkohë që klubi vazhdon t’i paguajë rrogën prej 8 mijë eurosh në muaj edhe pse ai nuk ka shënuar asnjë gol në kampionat.
Martin Nespor (Skënderbeu)
Mosha: 27 vjeç
Vendi nga vjen: Çekia
Aktivizimi: 11 minuta
Paga: 8 mijë euro në muaj
Gola: 0
2
Lojtar i Kombëtares së Azerbajxhanit, Alyev do të bëhej shumë shpejt një prej më të paguarve te Kukësi, me një pagë mujore që sillet te rreth 9 mijë euro në muaj. Por, me vetëm tre gola të shënuar në nëntë javë kampionat dhe shpesh herë i parë si zgjedhje e dytë, lojtari është drejt largimit nga kampionët.
Rauf Alyev (Kukësi)
Mosha: 28 vjeç
Vendi nga vjen: Azerbajxhan
Aktivizimi: 492 minuta
Paga: 9 mijë euro në muaj
Gola: 3
3
Sulmuesi i Kombëtares Shqiptare, Edgar Çani do të ishte një nga goditjet e bujshme te Partizanit në merkato. Me një pagë mujore 20 mijë euro dhe me një kontratë dy vjeçare, shtatlarti që po provonte aventurën e tij të parë në Superiore, ka dështuar. I aktivizuar i dëmtuar dhe me asnjë gol të shënuar në 134 minuta të luajtura, Çani vazhdon periudhën e rikuperimit dhe Partizani natyrisht pagesën e tij milionere për standardin e futbollit shqiptar.
Edgar Çani (Partizani)
Mosha: 28 vjeç
Vendi nga vjen: Italia
Aktivizimi: 134 minuta
Paga: 20 mijë euro në muaj
Gola: 0
4
Kamerunasi Djidjiwa u afruar si një lojtar i së ardhmes te Partizani, por deri më nuk ka treguar asgjë nga forma e tij dhe është aktivizuar shumë pak. Gjithsesi në krahasim me pagesta në klubin e kuq, rroga e tij është modeste.
Moustapha Djidjiwa (Partizani)
Mosha: 22 vjeç
Vendi nga vjen: Kameruni
Aktivizimi: 71 minuta
Paga: 1.500 mijë euro në muaj
Gola: 0
5
Teuta priste shumë nga ganezi në moshë të re, i afruar gjatë merkatos së verës te Teuta. Por, trajneri Magani duket pak i zhgënjyer nga lojtari, që ka shënuar vetëm një gol edhe pse hapësirat nuk i kanë munguar.
Latif Amadu (Teuta)
Mosha: 24 vjeç
Vendi nga vjen: Gana
Aktivizimi: 532 minuta
Paga: 2 mijë euro në muaj
Gola: 1
6
Nunez ishte një nga lojtarët që u afrua në gjirokastër sëbashku me stafin teknik dhe me largimin e tyre, klubi gjirokastrite prishi kontratën edhe me futbollistin. 32-vjeçari nuk ka shenjë te bluzinjtë, ku pati minuta të pakta aktivizimi dhe nuk shënoi asnjë gol.
Fabricio Nunez (Luftëtari)
Mosha: 32 vjeç
Vendi nga vjen: Uruguai
Aktivizimi: 263 minuta
Paga: 2 mijë euro në muaj
Gola: 0
7
Pasi bindi trajnerin Cungu dhe firmosi kontratën, sulmuesi i Vllaznisë, Atsina shfaqi probleme fizike. Qëndroi jashtë skuadrës për disa javë, çka tregon se në vendin tonë mund të ketë ardhur i dëmtuar. U rikthye, shënoi dy gola ndaj Kukësit, megjithatë forma fizike e tij është shumë e dobët.
Carls Atsina (Vllaznia)
Mosha: 28 vjeç
Vendi nga vjen: Gana
Aktivizimi: 336 minuta
Paga: 2.500 mijë euro në muaj
Gola: 2
/eduasportin.al
