Prokuroria për Krime të Rënda nisi hetimin, pasi autoritetet italiane në Ankona zbuluan një kamion me lëndën narkotike, i nisur nga Porti i Durrësit më 13 janar 2017. Droga e ngarkuar në kamion ishte 2 ton e 530 kg, ndërsa shoferi ishte shtetasi Dhimo Koraj, 47 vjeç, lindur në Fier e banues në Gjirokastër. Sipas policisë, kamioni tip ‘MAN’ i drejtuar nga Koraj më datë 09.01.2017 është nisur nga Porti i Durrësit me traget.
Me të mbërritur në Ankona, policia italiane e ka arrestuar Dhimo Korajn, i cili shoqëronte kaminon në Portin e Ankonës, ndërsa në listën e pasagjerëve figuronte si shofer i këtij kamioni Demo Progonati, 46 vjeç, lindur në Progonat dhe banues në Fier. Po kështu janë arrestuar shtetasit Euron Hoti dhe Malton Lleshi, të cilët tashmë hetohen me masë e sigurimit arrest në burg. Gjatë hetimit është vendosur caktimi i masës sigurimit arrest në burg për shtetasin Aurel Lazaj, masë e cila është ekzekutuar para pak ditësh.
Mandat arresti është lëshuar edhe për shtetasin Festim Lelaj, aktualisht nënkomisar në Komisariatin e Fierit, Skënder Siceqa dhe Arbi Mustafa, të cilat janë ekzekutuar nga policia një ditë më parë. Në kuadër të goditjes së këtij rrjeti trafiku, sot janë arrestuar efektivët e Drejtorisë së Policisë së Kufirit dhe Emigracionit, Durrës, Gëzim Dervishi dhe Agron Kapllani , si edhe për doganieri Altin Katundi, e agjenti doganor Mikail Hila.
©ArgjiroLajm.net