Ish-banori i Big Brother VIP Kosova 4, Labinot Rexha, ka shkaktuar bujë në rrjetet sociale pas publikimit të një videoje që pretendon të zbulojë një “aferë” brenda shtëpisë së famshme. Rexha, i cili ka dalë nga spektakli duke e konsideruar daljen e tij të padrejtë, pasi sipas tij kishte marrë më shumë vota pro se kundër që të vazhdonte qëndrimin, ka ndarë një material që ngre pyetje mbi mënyrën e funksionimit të produksionit.
Në videon e publikuar, e filmuar sipas Rexhës pa dijeninë e produksionit, shihet ish-banorja Bia Khalifa duke mbajtur në duar një telefon që i është gjetur ish-banores tjetër, Alba Pollozhani. Rexha pretendon se ky moment tregon shkelje të rregullave të programit dhe të licencës së “Big Brother”-it të Holandës.
“Ja një provë që më ka ngjallur pikëpyetje: telefoni i Albas u gjet brenda shtëpisë pas daljes së Bia Khalifës. Në këtë material shihet momenti kur i kërkohet nga Olsa Muhamedi që të mos tregojë askujt. Kjo është jashtë ligjit të licencës së Bigut dhe shkel parimet bazë të formatit, ku nuk duhet të ketë informacione nga jashtë dhe sidomos të kemi telefona brenda. Ky telefon duket se është dhënë Albas nga produksioni!”, ka shkruar Rexha në përshkrimin e videos.
View this post on Instagram
Publikimi i këtij materiali ka ngjallur reagime të ndryshme tek fansat e programit, ndërsa mbetet të shihet nëse produksioni do të japë një përgjigje zyrtare për denoncimin e ish-banorit. Për momentin, video dhe pretendimet e Rexhës po diskutohen gjerësisht në rrjetet sociale, duke ndezur debate mbi transparencën dhe drejtësinë në “Big Brother VIP Kosova 4”.
