Një nga emrat më të përfolur për të qenë banori i “Big Brother Vip” është zyrtarisht brenda shtëpisë më të famshme.
Laert Vasili, nga skenat e teatrit apo filmit, vjen në BBVip, për të treguar një anë tjetër të tij. Ai shprehet se është përgatitur për luftë, teksa tha se vjen me të mirat dhe të këqijat e tija.
“Nuk jam shenjtor, me të mirat dhe të këqijat e mija. Filmit, teatrit i kam dhënë shpirtin. Mu duk interesante të kisha një Vëlla të Madh, sepse kam vetëm motër. Jam rritur nga dy ushtarakë dhe jam përgatitur për luftë.”- tha ai.
Laert Vasili ka lindur në Delvinë më 7 Mars 1974. Studioi tek Akademia e Arteve në Tiranë. U diplomua nga Akademia e Artit Dramatik e Teatrit Kombëtar Grek në Athinë 1997. Është një nga aktorët më të njohur të teatrit, por edhe filmit.
