Kush e zbuloi vaksinën kundër koronës? Një rrëfim i shkurtër për Ugur Sahin dhe Ozlem Tureci nga Gjermania, por me origjinë nga Turqia. Firmat Biontech dhe Pfizer sapo njoftuan se kanë zbuluar vaksinën kundër koronavirusit. Vaksina është efektive në 90 për qind të rasteve. Nuk është koha për të brohoritur.
Kundër koronavirusit duhet të ruhemi edhe disa muaj, ndoshta edhe vite. Biontech dhe Pfizer thanë se javën e ardhshme do të kërkojnë lejimin e vaksinës nga autoriteti amerikan i ilaçeve, FDA.
Zhvillimi i vaksinës BNT162b2 ka filluar në janar, projekti është quajtur ‘Lighspeed’ (Shpejtësi drite).
Kush janë dy shkencetaret? Ata quhen Ugur Sahin dhe Ozlem Tureci, janë çift. Sahin, 54-vjeçar, është themelues i Biontech, gruaja e tij një vit më e re Tureci është Chief Medical Officer (ky është titulli zyrtar).
Meqë në botën perëndimore shpesh viteve të fundit populistët zhvillojnë fushata të egra kundër të huajve për shkak të ndonjë njeriu që keqpërdorë fe apo ideologji, në këto kohëra është me rëndësi të behet publik shembulli fantastik i integrimit në shoqërinë gjermane i Ugur Sahin dhe Ozlem Turec.
Sahin është specialist i onkologjisë, më 2019 ka fituar çmimin gjerman për hulumtime të kancerit.
Sahin rrjedh nga jugu i Turqisë, dhe ka jetuar në Këln prej 1990.
Familja e Tureci rrjedh nga Stambolli, babai i saj ka punuar mjek në landin gjerman të Niedersachsen.
Në bursë vlera e Biontech tani është rreh 20 miliardë euro.
