Parlamenti grek ratifikon marrëveshjen për njohjen e patentave me Shqipërinë. Tashmë patentat shqiptare do të njihen në Greqi dhe ato greke në Shqipëri. Projektligji për miratimin e marrëveshjes u dërgua në parlamentin grek më 30 dhjetor.
Pas miratimit të këtij ligji, të gjithë shqiptarët që jetojnë e punojnë në Greqi do mund të lëvizin me makinën e tyre pas asnjë problem me patentë shqiptare.
Autoriteti i Transportit Rrugor shqiptar duke iu referuar marrëveshjes ka pohuar se “shtetasit shqiptarë që zotërojnë leje drejtimi, model i lëshuar nga 1 korriku i vitit 2005, ose ata që janë të pajisur me formatin që ka nisur të shpërndahet nga 24 janari i vitit 2017, mund të drejtojnë automjetin e tyre edhe në territorin grek”
