Ministrja e Mbrojtjes, Olta Xhaçka, konfirmon lajmin se pika kufitare e Kakavijës do të vijojë punën edhe pas orës 22:00.
Në një mesazh në ‘Facebook’, ministrja thekson se kufiri do të qëndrojë i hapur përtej orarit të punës për të bërë të mundur përfundimin e procedurave për 1000 udhëtarët e fundit.
“Pas komunikimit me autoritet greke dhe gatishmerisë së tyre për të dërguar ekipe mjekësore shtesë, pika e kalimit kufitar në Kakavijë do të qëndrojë e hapur përtej orarit të punës për të bërë të mundur përfundimin e procedurave për 1000 udhëtarët e fundit. Duke nisur nga nesër në mengjes, kalimi në Kakavijë do te kryhet përmes regjimit të ri të masave me kuotat e reja, aplikimin dhe testin negativ të Covid 19”, shkruan Xhaçka.
