Kristjan Asllani u transferua gjatë merkatos së verës te Interi. Mesfushori shqiptar bëri kështu hapin e madh në karrierën e tij futbollistike. Drejtuesit e menduar si zëvendësuesin ideal të Brozovic, por trajneri Inzaghi nuk e shikoi si të tillë.
Këtë sezon talenti kuqezi ka luajtur vetëm 12 ndeshje në Serie A. në dispozicion ka pasur 286 minuta që do të thotnë 23’ për ndeshje. 125’ në Champions League, 6’ të tjera në Superkupë dhe ka luajtur edhe 2 sfida në Kupën e Italisë.
Statistika këto që vërtet janë zgjënjyese. 12 milionë euro të shpenzuara për ta marrë në Empoli nuk janë justifikuar akoma. Kjo jo për mungesën e talentit të Asllanit, por mosbesimit të Inzaghit.
Legjenda e njohur Christian Vieri ka folur pikërisht për këtë, ku duke folur për “Bobo TV” ka deklaruar se si një talent si shqiptari akoma rri në stol dhe nuk preferohet nga Simone Inzaghi.
“Interi është skuadra më e fortë në kampionat, askush nuk i ka Lukakun, Dzekon dhe Lautaron… Askush nuk i ka këta lojtarë apo edhe stolin e tyre. Unë pres shumë më tepër, ata janë një ekip i jashtëzakonshëm pavarësisht të gjitha problemeve që mund të kenë.
Shikoni stolin, De Vrij titullar i Holandës dhe që nuk luan, ose Dumfries, ose Gosens që luante titullar te Gjermania. Brozovic te Kroacia që është lideri. Asllani super talent që se sheh fushën fare, as 10 minuta…. ”, deklaroi Vieri.
