Ministrja e Kulturës, Mirela Kumbaro ishte fundjavën që shkoi në shkollën e Nepravishtës për të shpërndarë libra falas. Por nëse kjo u pa thjesht si rikthim i saj në zonën ku është zgjedhur deputete një vit më parë, në fakt nuk është tamam kështu. Duket se ka edhe arsye të tjera me simbolikë të fortë. Në shkollën e këtij fshati gjyshi i saj mbylli karrierën si mësues, ndërsa babai pati filluar klasën e parë. Kumbaro shoqërohej në këtë takim nga kryebashkiakja e Libohovës, Luiza Mandi. Tekstet falas për nxënësit e shkollës fillore tha Kumbaro, janë vetëm hapi i parë i një procesi transformues që ka nisur në sistemin arsimo parauniversitar. Nisma do të pasohet më tej edhe nga përfshirja e ushqimit falas, ashtu sikundër është duke u pilotuar një projekt aktualisht në 20 shkolla të vendit.
© ArgjiroLajm.net
