Në vijim të raportimeve tona për pasuritë e kryebashkiakëve të qarkut Gjirokastër, ArgjiroLajm.net sjell sot deklaratën e pasurisë së kryetarit të Bashkisë Këlcyrë, Klement Ndoni. Sipas asaj që ai ka deklaruar në ILDKPI rezulton se përgjatë vitit 2016 pasuria e tij është si më poshtë.
Të ardhura nga paga si Kryetar i Bashkisë Këlcyrë, 911 312 lekë.
Të ardhura si Anëtar i Këshillit të Qarkut Gjirokastër, 96 000 lekë.
Bashkëshortja, Znj. Vjolanda Ndoni, të ardhura nga paga si Drejtore Dege pranë Raiffeisen Bank, 1 164 504 lekë.
Bashkëshortja, të ardhura nga investimi në “Fond Invest” në një bankë të nivelit të dytë, 139 739 lekë.
Sa i përket llogarive bankare, kryebashkiaku i Këlcyrës ka deklaruar katër depozita, prej të cilave dy në emër të bashkëshortes dhe dy në emër të fëmijëve.
1) Bashkëshortja, gjendje depozitë bankare më 31 dhjetor, 1 800 000 lekë.
2) Gjendje depozita bankare për fëmijë, në emër të djalit 804 451 lekë dhe në emër të vajzës 94 008 lekë.
3) Gjendje llogari bankare më 31 dhjetor, 585 000 lekë.
4) Bashkëshortja, gjendje llogari bankare më 31 dhjetor, 2 355 184 lekë.
Në total përgjatë vitit 2016, vlera e pasurisë së deklaruar nga Klement Ndoni është rreth 80 milionë lekë të vjetra.
Përsa i përket shpenzimeve të deklaruara gjatë 2016, Ndoni thotë se bashkëshortja e tij Znj. Vjolanda Ndoni, ka blerë veturë tip Volksvagen, 1 100 000 lekë.
©ArgjiroLajm.net
