Luftëtari është gati për Laçin. Një duel që vendos përballë dy skuadra me synime krejt të kundërta, por të etura për pikë. Mlladen Milinkoviç para kësaj transferte delikate duhet t’i bëjë mirë llogaritë, pasi do të vuajë mungesat e disa titullarëve, si Behar Ramadani dhe Eri Lamçja të skualifikuar.
Por, “hallet” i janë shtuar edhe nga infermieria. Veç Dejvi Bregut, në dyshim është edhe Oltion Rrapa. Që të dy kanë pak shanse që të jenë në fushë kundër kurbinasve.
Vlonjati pritet të jetë mungesa përcaktuese më e madhe në vijën e sulmit për shkak të temperaturës që i kanë shkaktuar bajamet. “Xholi” Oltion Rrapa nuk është në kondicionin e tij më të mirë fizik (pas dëmtimit së kaviljes kundër Skënderbeut.
Me të gjitha gjasat, Luftëtarit pritet t’i rikthehet si titullar mbrojtësi i qendrës, Edi Nikolas Bojom, pas mungesës së gjatë për arsye dëmtimi).I kushtëzuar prej mungesave, serbi i pankinës ka zgjedhur tjetër strategji për fitoren.
Përgatitjet
Milinkoviç, veç përgatitjeve në fushë, dje paradite ka punuar edhe në aspektin psikologjik. Pas përfundimit të ushtrimeve aerobike, vrapimeve rreth pistës së “Fushës së Vjetër”, puna u përqendrua dhe te goditjet standarde, si dhe ekzekutimi i 11-metërshave.
Jo vetëm kaq, por disa herë trajneri është ndalur dhe te loja me një pasim dhe dalja para portës kundërshtare, jo me shumë stacione. Eliminimi i gabimeve në ndeshjen e fundit, veçanërisht në sulm, ka qenë misioni i javës që lamë pas për bluzinjtë./panorama
