Dejvi Bregu është padyshim një ndër lojtarët më të kërkuar të futbollit shqiptar por për të patur shërbimet e tij duhet paguar klubi jugor. Skëndërbeut vlonjati i pëlqen shumë dhe mbi të gjitha janë dhe financat. Korçarët kanë mbyllur gjithçka me lojtarin madje edhe me klubin bluzi i cili parimisht është dakort me ofertën. Plot 100 mijë euro në arkat e Luftëtarit dhe Bregu në Korçë, që tani në janar.
Por gjirokastritët kanë një tjetër ide. Ata dëshirojnë ta mbajnë vlonjatin deri në fund të këtij sezoni diçka që nuk pranohet nga Skëndërbeu pasi në verë skadon kontrata e Bregut me bluzinjtë dhe mund të merret pa harxhuar asgjë.
Pra ose paguhet tani për ta marrë direkt ose pritet vera për të kursyer pasi në fund të sezonit lojtari del i lirë. Gjithsesi në të dyja klubet ekziston dëshira për të zgjidhur situatën dhe bisedimet vazhdojnë
