Luftëtari duket se po pëson largime kur kanë kaluar vetëm dy javët e para të sezonit 2018-2019. Në përbërjen e gjirokastritëve nuk janë parë sulmuesi Mario Gurma si dhe dy portierët Ilias Melkas dhe Hrvoje Bukovski.
Por, ka pasur edhe një tjetër largim dhe bëhet fjalë për mbrojtësin 21-vjeçar Stivian Janku që do të jetë pjesë e pretendentëve të Kategorisë së Parë në sezonin e ri, Bylisit të Ballshit. Janku luajti sezonin e shkuar në Gjirokastër, por hapësirat ishin të pakta.
Tashmë, ai synon më shumë që të luajë ndaj edhe do të jetë pjesë e ballshiotëve në sezonin e ardhshëm. Janku është aktivizuar dhe në miqësoren që Bylisi ka luajtur sot me Burrelin në Ballsh.
