Oltion Rapa rinovon me Luftëtarin. Mbrojtësi i qendrës ka arritur sot akordin për të vijuar kontratën me klubin gjirokastrit, ndërsa lajmi është bërë publik në faqen zyrtare të Luftëtarit në Facebook.
28-vjeçari nga Tepelena ka që prej vitit 2015 me Luftëtarin kur u transferua nga Butrinti.
Rapa ka qenë pjesë e gjirokastritëve gjatë këtyre sezoneve që konsiderohen të suksesshëm, pasi ishte në përbërje të organikës së lojtarëve që ka kontribuar për ngjitjen e skuadrës në Superligë dhe për mbajtjen e ekipit bluzi në nivele të kënaqshme në këtë ligë gjatë dy viteve të fundit.
