Klubi i Luftëtarit në këto ditë nuk është marrë vetëm me merkaton në hyrje të futbollistëve. Klubi gjirokastrit ka vendosur si prioritet edhe sigurimin e lojtarëve titullarë duke u rinovuar kontratat një pjesë të mirë të tyre.
Seria e firmave ka nisur sot me rinovimin e mbrojtësit Oltion Rapa. Futbollisti 28-vjeçar luan prej tre vitesh me Luftëtarin duke u kthyer në një element të pazëvendësueshëm në ardhët e kësaj skuadre. Ndaj klubi e ka vlerësuar atë me rinovimin e marrëveshjes ekzistuese.
Nëpërmjet një njoftimi në rrjetet sociale, klubi bëri të ditur se ishte firmosur rinovimi i mbrojtësit edhe për dy sezonet e ardhshme, duke siguruar në këtë mënyrë vazhdimësia e bashkëpunimit me një nga elementët më të qëndrueshëm të bluzinjve.
